სადურგლო ქედელში 2010 წლიდან ამუშავდა. სახელოსნოს ორმაგი - თერაპიული და კომერციული დატვირთვა აქვს. მისი უპირველესი მიზანია მაცხოვრებლებისთვის ბუნებასა და ფიზიკურ გარემოსთან ერთიანობის განცდის გაღვივება ხის მასალებთან ურთიერთობით. სადურგლოში თემის მაცხოვრებლები ეუფლებიან სახელობო საქმეს და  ივითარებენ სხვადასხვა უნარებს. სახელოსნოს ერთგული წევრები-ბორია, რომა და ლიკა, სიყვარულით ქმნიან თითოეულ ნაკეთობას. სახელოსნოში მზადდება სკამები, თაროები,  მაგიდები, საბავშვო სათამაშოები და რემონტდება თემის საკუთრებაში არსებული ავეჯი.